नेपाल बहुउद्देश्यीय सहकारी संस्था लि. अन्तर्गतको बेलबारी सेवाकेन्द्रले मिति २०८१।०३।१८ गते एकाई नं ६(धरहरा एकाई) मा बेसिक लेवल सदस्य शिक्षा कार्यक्रम र घरदैलो कार्यक्रम सम्पन्न गरेको छ । जेठ महिनामा सदस्य बनेका जम्मा ६ जना सदस्यलाई भेला गरेर संस्था परिचय, संस्थाले सञ्चालन गरेका व्यवसाय र सदस्यलाई प्रदान गरिने राहात तथा सुुविधको बारेमा जानकारी गराइएको थियो भने २१ जना सम्भावित सदस्यकोमा घर दैलो अभियान सञ्चालन गरिएको थियो । दिनको २ बजे देखी ४ बजे सम्म सम्पन्न भएको उक्त कार्यक्रममा उपसमिति पदाधिकारी तथा कर्मचारीहरुको सहभागिता रहेको थियो । यस प्रकारका कार्यक्रम सञ्चालनले सदस्यहरुमा संस्था प्रतिको विश्वासनियतामा वृद्धि भएको देखिएको छ । दुवै कार्यक्रमको सञ्चालन र सहजिकरण बेलबारी सेवाकेन्द्र प्रमुख रविन अधिकारीले गरेका थिए ।
