नेपाल बहुुउद्देश्यीय सहकारी संस्था लि. अन्तर्गतको बेलबारी सेवाकेन्द्रले मिति २०८१ साल साउन २२ गते मंगलबारको दिन एकाई नं २ मालपोत एकाईमा घर दैलो तथा सरसफाई कार्यक्रम सम्पन्न गरेको छ । एकाई नं २ का संयोजक नेत्र कुमारी ढकालज्युको संयोजकत्व र स्थानीय उपसमिति पदाधिकारी तथा कर्मचारीहरुको सहभागितामा उक्त कार्यक्रम सम्पन्न गरिएको थियो । उक्त घर दैलो कार्यक्रममा २४ जना सम्भावित सदस्यसँग प्रत्यक्ष भेटघाट गरि संस्थाको बारेमा जानकारी गराइएको थियो । कार्यक्रममा बेलबारी सेवाकेन्द्र प्रमुख रिता श्रेष्ठले संस्थाको संक्षिप्त परिचय, संस्थाले सञ्चालन गरेका व्यवसाय, सदस्यलाई प्रदान गरिने सेवा तथा सुविधा, व्यवसायका उत्पादान लगायतका विषयमा सहजिकरण गरेकि थिइन् । यस प्रकारको कार्यक्रमले संस्था र सदस्य विच सम्वन्ध विस्तार गर्न सहयोग पुगेको साथै संस्था प्रतिको विश्वासनियतामा बृद्धि भएको महशुष गरिएको थियो ।
