नेपाल बहुउद्देश्यीय सहकारी संस्था लि. अन्तर्गतको दुधे सेवाकेन्द्रले मिति २०८१।०४।१६ गते एकै दिन सुद्धाँई खर्च तथा मृत्यु राहत वापतको रकम सदस्य परिवारमा भुक्तानी गरेको छ । दुधे सेवाकेन्द्रले सदस्य याम कुमार तुम्बापो लिम्बुको आमाको निधनमा समवेदना सहित सुद्धाँई खर्च भुक्तानी गरेको छ भने शेयर सदस्य कृष्णमाया पाठकको निधनमा मृत्यु राहत वापतको पहिलो किस्ता रु.४५००० प्रदान गरेको छ । उक्त समवेदना तथा राहत वितरण कार्यक्रममा संस्थाका सञ्चालक समितिका अध्यक्ष,दुुधे सेवाकेन्द्रगत उपसमिति पदाधिकारी ,भौगोलिक एकाई उपसमिति पदाधिकारी तथा कर्मचारीहरुको सहभागिता रहेको थियो । दुवै कार्यक्रमको सञ्चालन सेवाकेन्द्र प्रमुख भक्तिप्रसाद भण्डारीले गरेका थिए । संस्थाको नीतिगत व्यवस्था अनुरुप एकाघर परिवारका सदस्यको मृत्युमा संस्थाले सुद्धाँई खर्च वापत रु.१०,००० र सदस्य स्वयमको मृत्युमा मृत्यु राहत वापत ५०,००० प्रदान गर्ने गरेको छ ।
